大門食堂 (德福廣場) (已結業)

收工行開德福，見呢間冇咩人行入去試下。店內裝潢都係一般日式快餐食堂咁，冇咩特別。食物價錢唔貴，而且唔收加一。兩個人叫左個大門拉麵，咖哩吉列豬扒飯同餃子。飲左啖湯，湯底味幾濃，試左幾條拉麵都叫彈牙。不過成碗得一塊叉燒，都明嘅，收五十幾蚊碗你求咩。朋友食晒成碗話其實性價比幾高。呢碟咖哩飯真心麻麻，咖哩味偏酸，有蘑菇同洋蔥做配料，我個人唔鍾意呢陣味。吉列豬扒唔太油，不過都幾薄切。餃子味道唔錯，可惜冇餃子汁。二人埋單14x，日式快飯，未必會再幫襯。