風雲丸 (已結業)

尋日男朋友接完我收工之後去左灣仔食飯，我地揀左風雲丸食沾麵，我其實係第一次食沾麵，之前真係無食過，我就叫左一個石燒肉盛豚骨魚介沾麵，呢個麵有4舊大大舊的豚肉，好滿足好自癒，而且仲可以免費加大400g，保證不同食量的朋友都一定可以食得飽。落單之後等左一陣，就已經有麵到啦，唔會要等好耐，石頭鍋上面的係非常濃郁而且熱騰騰的湯底，用嚟點沾麵真係最好不過，因為可以令到所以麵條都沾有濃郁的湯，同一般湯麵唔同，發現其實沾麵真係幾好食，而且個湯底因為用石頭鍋的關係，可以keep溫好耐，同埋湯底的魚介味都好夠，係不錯的。呢個肉盛沾麵的豚肉有成4舊，舊舊都大大舊，其實食兩三舊都已經好飽。平時啲麵的配菜未必太多，不過風雲丸的沾麵都配有兩大舊筍，我覺得都ok，當然多啲就再正啲。