富士山55 (拉麵沾麵專門店) (已結業)

是日游完水，三隻馬騮都好肚餓！媽咪未食過沾麵！所以帶佢去呢間試下！之前同肥髀去過尖沙咀分店食！味道唔錯！去到時間尚早！店內未有其他客人！比我哋坐廚房對出四人枱！再加櫈！店內裝修簡單！水泥牆加木桌椅！每人一杯水！寫好點餐紙店員去落單！食物要耐心等待！白湯豚骨拉麵（清湯）：雖然清湯都好濃！！幼麵好索湯！肥髀最後都食唔晒！名古屋撈麵：賣相好特別！蛋黃、肉鬆、肉碎撈落麵！賣相似同四川撈麵多過日本撈麵！麵質煙韌！叉燒半肥瘦唔嚡，椰菜爽口清甜！加埋芽菜！好豐富嘅口感！味道有層次！又唔會過鹹！辛辣沾麵（小辛）：媽咪食！沾汁好濃好熱！媽咪都唔使加熱都食晒！佢話只係微辣！好味！餃子：熱辣辣，皮煙韌！餡料有汁唔乾！好味！雞軟骨棒（芝士味）：雞肉唔乾！中間夾雜啲雞軟骨碎，面頭有芝士醬同芝士粉！所以芝士味好濃！食物唔錯！服務都唔差！客人出入時，店員都會嗌句口號！仲遇到個唔著制服嘅叔叔！應該係店主！問候客人食物評語！