銀座神樂屋 (已結業)

朋友生日大一歲，梗係要食好嘢啦！位於灣仔香港華美粵海酒店二樓既銀座神樂屋，集日式放題同打邊爐於一身，一次過enjoy兩種體驗！呢度都有幾多刺身同壽司選擇，樣樣都新鮮好味，大大件咁，我地一再encore！同時又有個爐可以打邊爐，價錢就係以想食咩肉而區分，靚牛就貴啲，我地就揀咗有牛有豬既中等價錢～仲可以鴦鴛湯底出面有好多蔬菜可以自助取，多到都唔知食咩先呀！另外都有好多熟食嘢可以點，樣樣都熱辣辣，唔會因為放題就一早煮定，真係唔錯，好味架！可能只係星期四，並唔係好多人嚟食飯，相對我地就覺得坐得好舒服，無咩壓迫感啦