大井町日式放題 (已結業)

未講放題食物之前，我首先要讚下幾樣周邊事項:1) 樓下派傳單果位姐姐好落力呢位姐姐嘅敬業態度真係值得一讚!雖然我地已經訂左位，不過我喺樓下等老公時，遇到呢位姐姐向我派傳單，仲介紹埋唔同時段收費及6位送1位嘅優惠! 呢個就係樓下影嘅價錢宣傳牌！姐姐咁熱都一樣咁落力架！2) 餐廳用餐環境光猛個人感覺，我好怕食放題嘅地方燈光偏黑暗，難得呢度燈光夠，食飯都食得精神D!!3)餐廳位置方便，扶手電梯直上大井町位於大鴻輝荃灣中心3樓，之前睇過報導，知道呢度食肆林立，每晚排隊等搭lift去餐廳實屬等閒事。好在呢間放題喺3樓，沿扶手電梯可以直上架! 咁就唔怕要花時間等lift啦!至於放題質素方面，我覺得各有千秋:1)刺身有赤蝦供應除左基本刺身類之外，呢度有赤蝦刺身，質素算OK；另外三文魚算厚切，呢兩款唔錯!2)燒物同炸物選擇多呢度有好多張點菜紙，其中燒物同炸物各有一張；燒物黎講，燒雞翼、鹽燒鯖魚同蒜香翠玉瓜都幾好。厚厚的翠玉瓜燒得juicy，又熱辣辣!炸物之中我最鍾意食芝麻雞翼，夠香口!3)上菜速度快每次寫完點菜紙後，食物好快就送到!全晚黎講，只係臨尾漏左怪味辣蜆一項，反正都飽飽地都冇所謂啦!4) 罕有