碗盛 (已結業)

經過天后，實在太多嘢食，平時去開上品打邊爐，今日經過，見到另一半開咗新嘅餐廳，係日本嘅餐廳，門面裝修得非常華麗，好日式，所以就入咗去食😋一入到去，全間店都係用木色為主，另外有一間房係有榻榻米，我哋好好彩咁有得坐，但入邊要除鞋嘅，感覺都幾新鮮，一間房只有兩張枱，都幾有私隱度㗎😍🍴 日本醬油淮山潰 / 豆腐🍴冷盤有呢兩樣，比較欣賞豆腐，豆腐嘅醬汁好好食，有酸酸甜甜嘅味道，應該係柚子汁，而且豆腐唔會一夾就爛，有一定嘅硬度，唔錯👍🏻🍴 吞拿魚腩碎配日本宮城海膽/ 三文魚🍴三文魚刺身極度後設，又肥美，好鮮甜。海膽採用日本海膽，冇馬糞嗰種腥味，吞拿魚碎用咗胡椒粉，感覺唔會好腥😋🍴天婦羅🍴有虎蝦天婦羅，及番薯天婦羅，即叫即炸，上到枱都係熱嘅，炸粉唔會好厚，番薯都甜嘅，不過不失😄🍴 肥牛壽喜燒🍴極多肥牛，而且配料十足，包括有蒟蒻，菜，菇等等，Sukiyaki汁都夠甜，略嫌有少少多湯，因為開火嘅時候太多嘅配料，有少少滾瀉😌不過在下唔介意食多啲嘅🤭🍴 原條百本花魚一夜干🍴要讚一讚呢條魚，非常之滑，而且皮都好食，骨唔會好硬，但都好分明，都容易挑啲骨出嚟，再落埋檸檬汁，酸酸地配埋燒魚嘅味道， Perfect