加藤屋 (元州街) (已結業)

好耐冇食過牛肉飯，想食啲高質素嘅牛肉飯，都係食加藤屋穩陣。同埋加藤屋有學生減價優惠，真係抵到爛。今日去咗深水埗嘅加藤屋分店，叫咗個日式牛肉雜炊泡飯，額外再加咗啲豚肉，個湯底係壽喜燒湯底。成個炊飯都好足料，有豆卜有菜有雲耳，佢本身牛肉嘅份量都好多，不過因為我係食肉獸所以再嗌多啲肉。佢中間個糖心蛋都唔錯，不過佢啲蛋就唔係咁濃味，如果佢可以浸下，等佢有啲味，就會好食啲。下面浸住嘅湯飯都好好食，因為撈埋飯所以個湯底唔會覺得好咸。成個飯都好抵加埋嘢飲，好評！