L.D.K. by Ufufu Café (MOSTown新港城中心(4期)) (已結業)

今日同朋友响馬鞍山食飯，佢帶左去間日式西餐廳。餐廳日系裝修，地方夠大夠闊落，坐得舒服。餐牌主打有蛋包飯、漢堡、便當同丼飯等，另外有個dinner special，order主食加$38就有餐湯或沙律同甜品。餐湯及沙律：餐湯係忌廉粟米湯，濃結適中，甜甜地，幾creamy，沙律加左胡麻醬，簡簡單單已經ok。焗酥皮粟米湯：酥皮焗得夠香夠脆，配粟米湯就最夾。咖哩蛋包飯：雞蛋夠嫩滑，咖哩汁多，珍珠米口感剛好，每啖都有醬汁，味道夠香夠濃，正!碎吞拿魚腩海膽丼：海膽夠大塊，碎吞拿魚腩鋪滿成個飯，口感豐富，有層次感，好好食。迷你版香蕉朱古力芭菲及士多啤梨芭菲：打卡夠靚，迷你版唔會驚太大杯食唔晒。除左有生果同雪糕外，仲有玄米，咬落脆脆，食埋甜品好滿足。