牛牛日式火鍋放題 (北角匯二期)

營業中

休息中

北角匯商場做緊貓貓藝術展，好可愛，好多打卡位。約咗朋友去影相，影完相中午決定揀牛牛日式火鍋店食lunch。我哋揀咗90分鐘嘅澳洲產穀飼牛放題套餐， 198元一位。揀90分鐘因為唔想食得太急，如果揀60分鐘會平啲，仲有定量嘅午市套餐可以揀，好多選擇。我哋呢個套餐可以點澳洲穀飼牛，美國牛肉 或者嚴選牛肉，仲有丹麥豬梅肉或羊肉。牛肉質素都唔錯，夠嫩滑，牛肉味都好濃郁。飲品任攞，有果汁，罐裝飲品，同埋較特別嘅冷泡茶。我鍾意桂花烏龍茶，茶味清香。蔬菜及丸類就出面攞，款式好多，食多啲菜平衡返。仲可以食個咖哩飯，日本米飯粒粒分明，好好食。最後食返條雪條同movenpick 雪糕，滿足曬。