牛気 (希慎廣場)

營業中

休息中

今天和朋友去左試牛氣，因為怕要等位所以一早book 左位。去到門囗職員好殷勤咁介紹唔同set 俾我地，雖然好想試和牛，但還是選擇了牛肩肉個set 及加左錢試個龍珠湯底。一入去坐低就即刻有員工開爐及送上肉類，而其他配料是可以自己選擇。湯底味道唔錯，牛肉新鮮，有肉味，雪花平均唔會太肥。前菜有薯仔沙律，中華沙律，芝麻八爪魚，螺肉。配料有三款菜，三，四款丸，有秀珍菇，鮮冬菇，蟲草花，午餐肉，墨魚滑⋯⋯飲料都有六，七款甜品有五丶六款，雖然賣相有點不討好但和果子及泡夫味道唔差，如果要食綿花糖就需要叫職員協助。地方唔算大，可能我們早去所以沒有爆場，但員工態度十分有禮，見你d牛肉食完會主動問你要不要添總括來說可以一試，雖然是限時但都夠時間填飽個肚。