影片
更多
2023-03-12
44 瀏覽
炭火地雞 Yakitori25📍銅鑼灣登龍街28號永光中心25樓朋友嘅朋友介紹我哋嚟呢一間好高水準嘅串燒店食晚飯，知道佢哋5點半先開門，為咗避開晚餐人潮，我哋6點左右就上去食，果然只有一檯客食緊，去到走時大概8點幾，全場滿座，人氣十足！店舖整晚都播放住日本歌曲，人流多嘅時候好有喺日本食串燒店嘅氣氛，同樣都有好多上班族放工後過嚟鬆一鬆！話明叫炭火地雞，當然有大量雞肉串燒同料理供選擇啦，由雞心到雞尾，有超過15種雞串燒任君選擇。今餐我哋總共叫咗36款飲品同嘢食，當中嚴選咗必點必試嘅9款推介俾大家，希望你哋嚟到唔知食咩好嘅時候可以參考參考！ 💰$78辛辣雞胸芫茜沙律 🐓🌿🥗首先要介紹嘅係呢款辛辣雞胸芫茜沙律，除咗一眼睇到嘅一大堆芫茜外，其實佢仲有芽菜、白蘿蔔絲、蕃紅花同大量花生碎。將上述嘅食材同微辣嘅雞胸肉絲撈勻，雞肉嘅調味有少少似川菜嘅香辣，連同芫茜嘅清新，好醒胃，特別推介俾各位芫茜控！價錢 Price] 💰$58香脆雞皮配香蔥酸汁 🐓🍋愛食雞皮嘅我哋一定唔會錯過呢款雞皮小食！我哋之前有食過其他日本菜嘅酸雞皮前菜，大部份都係將雞皮處理好之後切絲，口感係爽彈為主。但呢度嘅雞皮唔單止大大塊，仲
📍銅鑼灣登龍街28號永光中心25樓
朋友嘅朋友介紹我哋嚟呢一間好高水準嘅串燒店食晚飯，知道佢哋5點半先開門，為咗避開晚餐人潮，我哋6點左右就上去食，果然只有一檯客食緊，去到走時大概8點幾，全場滿座，人氣十足！店舖整晚都播放住日本歌曲，人流多嘅時候好有喺日本食串燒店嘅氣氛，同樣都有好多上班族放工後過嚟鬆一鬆！
話明叫炭火地雞，當然有大量雞肉串燒同料理供選擇啦，由雞心到雞尾，有超過15種雞串燒任君選擇。今餐我哋總共叫咗36款飲品同嘢食，當中嚴選咗必點必試嘅9款推介俾大家，希望你哋嚟到唔知食咩好嘅時候可以參考參考！
[價錢 Price]
💰$78
辛辣雞胸芫茜沙律 🐓🌿🥗
首先要介紹嘅係呢款辛辣雞胸芫茜沙律，除咗一眼睇到嘅一大堆芫茜外，其實佢仲有芽菜、白蘿蔔絲、蕃紅花同大量花生碎。將上述嘅食材同微辣嘅雞胸肉絲撈勻，雞肉嘅調味有少少似川菜嘅香辣，連同芫茜嘅清新，好醒胃，特別推介俾各位芫茜控！
價錢 Price]
💰$58
香脆雞皮配香蔥酸汁 🐓🍋
愛食雞皮嘅我哋一定唔會錯過呢款雞皮小食！我哋之前有食過其他日本菜嘅酸雞皮前菜，大部份都係將雞皮處理好之後切絲，口感係爽彈為主。但呢度嘅雞皮唔單止大大塊，仲係脆口嘅，真係好新奇！佢嘅洋蔥索晒酸汁，同雞皮一齊食可以減低油膩度，一碗都有好多塊，好抵食！
[價錢 Price]
💰$32
濃香雞湯 🐓🥣
號稱「湯怪」嘅我見到有得叫一碗淨雞湯，對眼當堂發晒光，最後加點咗一碗，到底佢係有幾好飲呢？呢碗湯又香又濃，飲得到係用嘅精華熬煮而成，但佢嘅湯唔油仲好清，加埋些少芫茜一齊飲，非常暖胃！提提大家，可以嘅就趁熱飲，咁先飲到最正嘅味道！
[價錢 Price]
💰$88
煙薰雞火腿他他 🐓
朋友最鍾意叫啲特色嘢，所以佢點都要叫佢雞火腿他他嚟食。可能好耐之前食過牛肉他他後有啲陰影，覺得他他都係食緊攪碎生肉，所以唔太敢食。但佢誠意拳拳咁包埋俾我，所以我都好俾面硬住頭皮食咗一嚿。嘩，同牛肉他他完全兩回事！雞肉無筋已經不在話下，有wasabi同蛋黃加持下，成個味道昇華晒，用紫菜包住，完全唔覺得食緊生肉，證明啲雞肉好新鮮！
[價錢 Price]
💰$48
雞肝醬多士 🐓🍞
鵝肝就聽得多、食得多，雞肝醬你又試過未？我哋就係第一次食雞肝醬，本來我係比較抗拒食內臟嘅，尤其係肝，因為覺得偏腥同苦。但呢款雞肝醬唔單止唔腥唔苦，食落仲有陣陣鮮甜味，咁creamy嘅口感係我哋從未食過嘅！多士烤得恰到好處，唔會過脆，正呀！
[價錢 Price]
💰$42
提燈 (每隻雞只有一串) 🐓🪔
提燈係由母雞輸卵管、卵巢同未成熟未有殼嘅蛋黃組成，唔係隻隻雞都有，加上好考師傅刀同燒嘅功力，所以格外珍貴，如當日有供應，記得點返串嚟試下啦！
[價錢 Price]
💰$38
免治雞肉棒 🐓
數到近乎無一檯坐低嘅食客都必點嘅，一定非呢串免治雞肉棒莫屬！佢嘅免治雞肉食落有少少軟骨，肉汁鎖晒喺燒得香脆嘅表面內，咬落啖啖雞肉香味，點埋蛋黃食，一大享受！我哋一人叫咗一串，價錢非常經濟，絕對係必食嘅單點之一！
[價錢 Price]
💰$38
最中餅 🍵🫘🥮
呢個最中餅好有驚喜，除咗係因為佢哋用咗抹茶雪糕同有大大粒紅豆外，最特別嘅地方就係佢個餅皮食落好似甜筒個筒咁，而且口感一樣咁脆，就好似食緊一個改良版嘅甜筒一樣，好特別！佢嘅紅豆有天然甜味，份量亦俾得好闊綽，相信可以俘虜唔少愛食甜品嘅人嘅心！
[價錢 Price]
💰$88
焦糖蕃薯配雪糕 🍠🍦
另一款招牌甜品係呢份焦糖蕃薯配雪糕，半條大蕃薯嘅表面鋪滿糖去燒，結成一層焦糖面，同口感粉粉哋嘅蕃薯形成對比，再配埋雲呢拿雪糕一啖食，一次過有三重感受！我哋點嘅呢份係大份嘅，細食嘅嘅朋友可以揀$48嘅半份試下；而如果多人分食嘅就可以揀大份嘅一齊開心share！
張貼
