影片
更多
2018-06-05
144 瀏覽
今日同個朋友去左食日本野，去左有好多美食既一條街(亞厘士道)，有間叫北海道爐端燒Majimeya。感覺良好，唔錯唔錯。第一碟黎既菜係醬油燒青苔庵鶉蛋，燒得唔錯，完全冇over-cooked，蛋白包著啲少少尚可流動既蛋王，好食！仲有好多粒添。第二碟係串燒五味，邊五味？就係又㕑師决定。諗唔到食咩串燒就一定要叫串燒五味，解決你煩惱之外，仲可以為你餐飯增添有保證既神秘感。我講有保證係因為個五味唔會全部菜全部肉，我今次有蕃薯仔丶三文魚腩丶雞肉棒丶牛舌同牛肉粒，絕不遜色，值得推介。第三碟係明太子雞蛋卷，嫩滑既蛋包著厚厚既明太子，真係一個好足料既蛋卷。夠料之外，味道亦都幾好，一啲都唔腥，所以未試過明太子或者嫌明太子腥既朋友，不妨試試。第四樣我地食既係壽司，有三文魚，油甘魚，鰻魚，帶子。全部都份量十足，賣相良好，未食已經覺得好好味個啲。果然，冇令我地失望，全部都好新鮮，放入口個下既係滿足同享受，冇食過係唔會明，要明既就要食下。最後，我地知道依間餐廳主打爐端燒，所以都叫左個蟹肉味噌燒試試佢。落單時，店員會問你自己燒定佢地燒，我地怕自己燒得唔好，所以都係俾翻㕑師燒。但有得揀自己燒依一下我覺得幾好，起碼有得
第一碟黎既菜係醬油燒青苔庵鶉蛋，燒得唔錯，完全冇over-cooked，蛋白包著啲少少尚可流動既蛋王，好食！仲有好多粒添。
第二碟係串燒五味，邊五味？就係又㕑師决定。諗唔到食咩串燒就一定要叫串燒五味，解決你煩惱之外，仲可以為你餐飯增添有保證既神秘感。我講有保證係因為個五味唔會全部菜全部肉，我今次有蕃薯仔丶三文魚腩丶雞肉棒丶牛舌同牛肉粒，絕不遜色，值得推介。
第三碟係明太子雞蛋卷，嫩滑既蛋包著厚厚既明太子，真係一個好足料既蛋卷。夠料之外，味道亦都幾好，一啲都唔腥，所以未試過明太子或者嫌明太子腥既朋友，不妨試試。
第四樣我地食既係壽司，有三文魚，油甘魚，鰻魚，帶子。全部都份量十足，賣相良好，未食已經覺得好好味個啲。果然，冇令我地失望，全部都好新鮮，放入口個下既係滿足同享受，冇食過係唔會明，要明既就要食下。
最後，我地知道依間餐廳主打爐端燒，所以都叫左個蟹肉味噌燒試試佢。落單時，店員會問你自己燒定佢地燒，我地怕自己燒得唔好，所以都係俾翻㕑師燒。但有得揀自己燒依一下我覺得幾好，起碼有得選擇。個蟹蓋入滿蟹肉蟹膏，燒得恰當，趁熱食，加上食材新鮮，好難唔好食，值得一試。
張貼
