東京チカラめし (已結業)

放工和同事去咗新蒲崗Mikiki 買嘢，見到間係日本好出名嘅餐廳，叫東京チカラめし，主打丼飯，同事好鍾意食，佢話好耐冇食過啦！今日一定要食返餐！餐廳丼飯主要有牛肉及豚肉選擇，所有日式燒肉丼都係鐵板燒，即叫即烤，燒至微焦後淋上特製醬汁，十分惹味。大胃王可以order重量級，份量多半。檯上備有醬汁，以供客人調味。鹽燒豚肉丼：豚肉厚薄適中，肥瘦均勻，燒得剛剛熟，肉質鮮嫩，加埋洋蔥絲增加口感，可以加些檯上的調味醬汁，更添美味！配唐揚炸雞亦係即叫即炸，外脆肉嫩。燒豚肉丼，豚肉撈咗燒汁，比較惹味！配炸餃子，皮薄餡鮮，好味！