影片
更多
2022-01-30
229 瀏覽
🍴Tamago-ENたまご園 (九龍灣)📍德福廣場二期4樓413-414號舖📌其他分店：旺角朗豪坊4樓8號舖鑽石山荷里活廣場2樓282號舖大角咀奧海城二期UG層51號舖北角匯2期2樓216-217號舖元朗形點一期2樓2060號舖喺德福廣場行完街覓食，行咗一圈最後揀咗呢間主打日式玉子料理嘅餐廳。店內裝潢以木系及雞蛋嘅橙黃色為主調，感覺清新明亮，用餐環境舒適，店員服務都好好(●'◡'●)ﾉ.🍛 燉牛肉蛋包飯 $118旋風蛋包飯賣相唔錯，蛋味突出，如果質地再嫩滑啲就更好！牛肉燉得軟腍入味，配上野菌增加口感，醬汁味濃帶甜幾開胃。5點入座仲有午市套餐，價錢同main menu一樣但就包湯及沙律。.🐙 大阪燒風八爪魚捲 $78厚身玉子燒食落唔會太實，口感濕潤柔嫩蛋味香濃。入面包住八爪魚粒粒，加上大阪燒汁及沙律醬，再灑上紫菜及木魚碎，啖啖滋味。.🧀 芝士明太子筷子捲 $38/串鋪面隻太陽蛋煎得好靚，蛋黃亮澤呈鮮橙色，做到流心效果。大阪燒捲成一串，配料有芝士、明太子及蔬菜等，邊位煎到脆脆地，再加上燒汁及沙律醬，滿滿大阪風味！.🥞 沖繩黑糖咖啡班㦸 $88餐廳推出咗期間限定嘅沖繩黑糖甜品，梳乎厘班戟富蛋
📍德福廣場二期4樓413-414號舖
📌其他分店：
旺角朗豪坊4樓8號舖
鑽石山荷里活廣場2樓282號舖
大角咀奧海城二期UG層51號舖
北角匯2期2樓216-217號舖
元朗形點一期2樓2060號舖
喺德福廣場行完街覓食，行咗一圈最後揀咗呢間主打日式玉子料理嘅餐廳。店內裝潢以木系及雞蛋嘅橙黃色為主調，感覺清新明亮，用餐環境舒適，店員服務都好好(●'◡'●)ﾉ
.
🍛 燉牛肉蛋包飯 $118
旋風蛋包飯賣相唔錯，蛋味突出，如果質地再嫩滑啲就更好！牛肉燉得軟腍入味，配上野菌增加口感，醬汁味濃帶甜幾開胃。5點入座仲有午市套餐，價錢同main menu一樣但就包湯及沙律。
.
🐙 大阪燒風八爪魚捲 $78
厚身玉子燒食落唔會太實，口感濕潤柔嫩蛋味香濃。入面包住八爪魚粒粒，加上大阪燒汁及沙律醬，再灑上紫菜及木魚碎，啖啖滋味。
.
🧀 芝士明太子筷子捲 $38/串
鋪面隻太陽蛋煎得好靚，蛋黃亮澤呈鮮橙色，做到流心效果。大阪燒捲成一串，配料有芝士、明太子及蔬菜等，邊位煎到脆脆地，再加上燒汁及沙律醬，滿滿大阪風味！
.
🥞 沖繩黑糖咖啡班㦸 $88
餐廳推出咗期間限定嘅沖繩黑糖甜品，梳乎厘班戟富蛋香，口感鬆軟濕潤帶少少空氣感。忌廉幼滑咖啡味突出，同黑糖醬幾夾，再搭配雲呢拿雪糕及Q軟黑糖蕨餅，多重滋味好滿足！
.
🍵 沖繩黑糖珍珠抹茶奶凍 $48
奶凍抹茶味濃帶淡淡甘澀，質感Q彈，伴奶油食入口更滑溜。搭配黑糖珍珠及黑糖醬，黑糖嘅炭香甜味balance抹茶甘澀味，甜而不膩。
.
總括而言：餐廳選用日本沖繩直送雞蛋，對食材質素有信心。玉子料理嘅款式多元化，有雲朵生雞蛋拌飯、玉子燒、蛋包飯、滑蛋丼、三文治及甜品等等，一定滿足到鍾意食蛋嘅朋友！
張貼
