拉麵達人 (已結業)

今日要去佐敦拎嘢，順便去食啲嘢;見到餐廳好似在日本啲居酒屋就入左去!餐廳裝修好有日本嘅味道;放左好多sake同不倒翁;侍應就俾左餐牌我，餐牌上有隻不倒翁。結果我就點左櫻花蝦達人(濃蝦醬油) 和一個雞軟骨餃子!我坐左一陣，我發覺餐廳播左好多日文歌;我以為自己真返左去日本。幾分鐘之後就上左個拉麵，好快呀。櫻花蝦達人的拉麵比出面的拉麵幼身，隻麵係博多拉麵;博多拉麵在日本三大拉麵之一:而湯底就用左濃蝦醬油;飲落去好有蝦味，唔油膩!拉麵的材料有大蝦﹑蟹棒﹑帶子和海帶;拉麵食落去好爽口和好彈牙;大蝦就好有海蝦味，仲有陣蝦膏味;櫻花蝦好香口，雞蛋食落去好甜，蛋黃有少少流，蛋汁好濃!雞軟骨餃子，外表煎到金黃色但又唔太燶;食落去好爽口，雞軟骨的爽口﹑椰菜的甜﹑好淋的肉﹑餃子皮薄;完全無得彈嚟形容。