櫻花日本料理 (已結業)

今日交哂所有野，心情大好，約左同學食晚餐🍴佢喺中環訂左枱，話同我食餐好嘅慶祝學期完結🤤一入到去，佢哋就上左依盤主食食材，見到口水都流埋🤤首先係魚生～甜赤蝦、赤貝、呑拿魚，三種都非常鮮甜，尤其係赤貝，一啲腥味都冇，爽口美味🐟前菜都非常精巧，煮瓜、炸蝦球同蟹醬青瓜，每樣都有海鮮嘅鮮美，但又唔會寡，口感豐富💕之後廚師登場‼️馬上煎左個兩塊肥美嘅鵝肝，旁邊係微微醃過嘅水果同水果醬汁，中和左油脂嘅肥膩😽食左肉嘅，就輪到素菜，炒菇用左鵝肝油，十分香口💕隨即就輪到龍蝦登場，醬汁係龍蝦膏煮嘅，不但膏香四溢，仲增添左濃厚嘅質感🦂皮煎得香脆嘅鯛魚，肉質鮮嫩不得至，皮真係精華所在，脆卜卜香口，非常下酒😼湯品都唔遜色，海鮮味豐富😸壓軸係和牛！入口即化嘅質感香濃嘅牛香，食到我哋停唔到，蒜片都好出色😈用和牛肥肉同碎炒嘅炒飯，飯粒分明乾身，蛋花加添質感，牛香一樣濃郁，飽都食哂成份🤤除左黑糖水信玄餅，仲有焦糖多士，食到呑埋條脷，真係好飽😹😹😹好好味嘅夜晚，開心到我哋high住返屋企👻