影片
更多
2019-02-24
90 瀏覽
本來想去食素食放題，但因為無book 位full 左，而去揾其他餐廳。根據OpenRice 嘅建議，揀左哩間。兩個人點左一碟前菜，兩碟主菜。去到未到19:00，所以未有人。我哋離開時，即19:30左右，啲訂位就開始黎喇！餐廳以木式為主，簡單舒服。店員形容為半自助式，因為水（有凍有熱）同餐具要自己拎。第一碟係自製冷奴配香脆蓮根$58四小粒白色磚仔，整整齊齊咁上。紅色嘅汁，食落有茄汁味。「自製冷奴」應該就係豆腐嘅意思。平時食豆腐沙律，都係好易夾碎嘅百福豆腐。但哩度嘅冷奴係比較有彈性，（仲夾得起架！）豆味唔算好香，但食到入面有啲好似豆渣嘅小粒。再黎嘅係「自家製日式咖哩飯」$98睇得岀係有刻意佈置過。飯中間粉紅色嘅係兩片酸蘿蔔。咖哩汁，唔辣。蔬菜包括：煮過嘅茄子，細細條嘅秋葵同「豆乾」（唔知叫咩名，係好實淨嘅豆品，仲有明顯嘅豆粒喺面）味道清淡。最後一碟主菜係「本菇醬油唐辛子意大利麵」$98本來以為有「唐辛子」會辣辣地，但都係偏清淡嘅。（唔係無味嗰隻，但唔係好重手嗰隻。）哩碟嘅質素真係睇個人口味。話說朋友食第一啖覺得有啲硬；我都試一條，又真係好似有白點，似未過心。我拎去櫃臺問下，廚房姐姐話刻意無
去到未到19:00，所以未有人。我哋離開時，即19:30左右，啲訂位就開始黎喇！
餐廳以木式為主，簡單舒服。
店員形容為半自助式，因為水（有凍有熱）同餐具要自己拎。
第一碟係自製冷奴配香脆蓮根$58
四小粒白色磚仔，整整齊齊咁上。紅色嘅汁，食落有茄汁味。
「自製冷奴」應該就係豆腐嘅意思。平時食豆腐沙律，都係好易夾碎嘅百福豆腐。但哩度嘅冷奴係比較有彈性，（仲夾得起架！）豆味唔算好香，但食到入面有啲好似豆渣嘅小粒。
再黎嘅係「自家製日式咖哩飯」$98
睇得岀係有刻意佈置過。飯中間粉紅色嘅係兩片酸蘿蔔。咖哩汁，唔辣。蔬菜包括：煮過嘅茄子，細細條嘅秋葵同「豆乾」（唔知叫咩名，係好實淨嘅豆品，仲有明顯嘅豆粒喺面）味道清淡。
最後一碟主菜係「本菇醬油唐辛子意大利麵」$98
本來以為有「唐辛子」會辣辣地，但都係偏清淡嘅。（唔係無味嗰隻，但唔係好重手嗰隻。）
哩碟嘅質素真係睇個人口味。話說朋友食第一啖覺得有啲硬；我都試一條，又真係好似有白點，似未過心。我拎去櫃臺問下，廚房姐姐話刻意無煮好耐。佢話想食「林」啲可以再翻煮。朋友話唔使，咁我哋就照食。食下食下，又真係有啲「痴」牙😂 如果你都想試下意粉，可以預先溝通好期望嘅軟硬度。
價錢ok! 份量偏細。
總結：可以一試嘅日式素食，食物精緻，但唔係最好味嘅。（素食西餐都係覺得ovo 比較好😂）
張貼
