渡船角海鹽燒 (已結業)

一大班朋友都鍾意食串燒，再去飲啤酒啤一啤佢！蒜蓉包整得好食都好有技巧架，出面唔少鋪頭都唔係即叫即整，所以上枱嘅時候唔單只又硬又凍，而且蒜蓉味一啲都唔出。而呢間鋪頭就正好相反，除咗熱辣辣即叫即整新鮮出爐之外，蒜香味十足、牛油味更加係超標!好正！除此之外仲一人叫咗一客招牌嘅蠔湯，湯嘅鮮味十足，而且十分之足料喎，真係有一大舊蠔肉架除咗有我超鍾意食嘅燒翠玉瓜，火候十足燒得啱啱好之餘，仲有比較特別嘅蘋果，用咗日本蘋果因此食落十分之juicy仲有即燒既日本蠔添呀，少少海水味，好正燒金菇分量十足，牛油同埋蒜香好足，唔使10分鐘就清晒碟最後仲點少得原隻燒茄子呢，燒得啱啱好，因此茄子肉十分之容易就夾得起。仲加上大量蔥花食落超香口！忍唔住再叫多咗一隻添。