鳴虎 (順昌大廈) (已結業)

*餐廳名稱：* 鳴虎 - 西環今日同朋友嚟到西環，好耐冇食日本嘢所以我哋就去咗呢間拉麵舖頭食午餐。1.黑鳴虎（博多黑蒜油拉麵）$88 餐廳用咗自家製嘅醬料同埋日本食材，食落去有日本風味。有兩大嚿叉燒，仲有紫菜同木耳絲。再配上濃厚的博多黑蒜油調味香濃惹味，層次豐富。下次想試埋佢哋其他嘅款！2. 札幌香蔥豚肉丼$58 我想食飯，所以叫咗呢個。啲肉好香滑多汁，仲有味素同蔥粒調味，香！分量充足，食得滋味。3. 肉餃子$36 淨係兩碗煮食唔夠喉，我哋都有叫小食。呢個餃子有豬肉加紹菜，炸得十分之香脆。4. 芝麻雞翼$36芝麻雞都好香脆，而且雞肉嫩滑。三隻都超大隻，回味無窮。