Spices Island Mixed Fusion Food (已結業)

喺九龍灣行開宜家傢俬 順便係上面搵間餐廳食下飯 難得星期五商場都咁少人 唔使係度等餐廳 最後揀咗間日本餐廳食 兩個人叫咗三樣嘢食油甘魚 三文魚刺身各有四片 厚薄適中 油甘魚魚味濃 比起平時出面食開冇咁稔 平時食嗰啲更加軟身 但係各有所好 我朋友就比較鍾意食呢間嘅油甘魚三文魚尚叫新鮮冇咩特別 呢一間餐廳啲豉油比較甜 所以我都沾得比較多雜錦海鮮沙律沙律汁係泰式嘅風味 味道比較淡 但反而唔會遮蓋海鮮嘅鮮味 海鮮其實係唔同嘅魚生 魚生同埋菜嘅分量都叫多 有種食極都食唔完嘅感覺芝士海鮮鍋材料非常豐富有一碟海鮮蔬菜（青口，帶子，蝦，青菜，豆腐，茄子） 一碟肉類（肥牛，雞肉，牛仔骨）一個飯 一碗粟米 一碟薯角 食既過程好似平時食韓燒同打邊爐咁,不過就一次滿足唒兩個願望味道方面中間蕃茄湯底夠哂濃,食到最後仲可以剩少少湯加芝士同飯整燴飯食,可惜我整失敗左,下次可以試下用匙'不'淨少少湯少好落芝士,唔係就會變湯飯!另外覺得D肉可以再濃味少少會更好!呢間餐廳味道都OK 雖然未叫好好食 但價錢合理 同埋勝在環境寬敞 坐得夠舒服 同埋食完可以係MegaBox行下街 過一個優閑嘅星期五晚上