稜閣屋 (已結業)

於facebook見到$69芝士火鍋，咁抵食？！要馬上『潮』聖。最後，同朋友叫了一個二人餐，再加一份明太子餃子。一面牆身以和紙裝飾另一面牆身以英文書頁裝飾，是想帶出這是一間日式西餐廳?迷你雜果沙律：蘋果粟米罐頭雜果沙律，正常冇出水。芝士盛鍋：無論外觀和配料，芝士火鍋整體感覺就像吉野家，不同的是這裡可以自己調教火喉。芝士湯底比我想像中稀，感覺冇咁滯。但，另一方面，芝士味淡，放食材入去，都未能染上芝士味。長崎太麵：好多蔬菜，麵質有咬口。但，可能我唔識欣賞個麵，味道上，我分別唔到普通拉麵和Champon的分別，反正兩者都有我討厭的鹼水味＝—＝＂炸魷魚鬚：剛剛炸起，魷魚彈牙，又香又脆！明太子餃子：剛剛上枱時，以為上錯芝士餃子，但睇返menu張相，又發現冇錯。餃子外觀和味道都不差，但冇明太子味。