Master Kama (已結業)

香港地租金太貴，係銅鑼灣呢啲旺區，街鋪幾乎都係連鎖集團先租得起，想食得特色少少，一定要上樓先搵到。有朋友食過呢間Master Kama，評價非常之唔錯，尤其係佢地嘅龍蝦套餐！而我都一向好鐘意食海鮮，所以聽完朋友介紹之後，一於親身上黎試下。Master Kama雖然係樓上舖，但佢嘅位置一啲都唔難搵，正正就係總統戲院對面，一行上樓就係。呢度主打日式西餐，所以餐廳裝飾都好有日系風格，乾淨企理得黎又有空間感，而且四圍都有一啲小裝飾，令人十分舒服，直頭好似去左日本咁haha。除左環境之外，呢度嘅餐牌都好用心去設計，每一幅圖晝同文字都非常之靚，我地忍唔住係咁影相。聽朋友講佢地主打龍蝦，所以我地就一心黎試下。呢度同龍蝦有關嘅Set有幾款，刺身、火鍋都有，不過我就好想試下個龍蝦包，所以就點左呢款「龍蝦匯」($428)。「龍蝦匯」係將兩個set「烤蒜蓉牛油龍蝦」同「龍蝦包」，再加一個「龍蝦雜錦石鍋海鮮湯烏冬」組合而成，即係可以試到龍蝦包、龍蝦、薯條、同烏冬幾款食物，total有三款蝦，哈哈哈XD首先黎嘅係龍蝦包、龍蝦同薯條。講個薯條先，唔知係啲油靚定師傅技術好，炸到金黃而唔熱氣，食完真係想再要多份。跟住