青森料理 (已搬遷) 新店位置

炎炎夏日，肚子挺餓，便去青森。我地叫左「汁燒豬軟骨拉麵」同埋「鹽燒鯖魚飯」。首先，黎左個魚子沙律，真係好多魚子，超級抵食。另外，有魚生或者手卷，手卷好大卷，不過料少d，而魚生都好大件，而且好肥美，正！到主菜，豬軟骨不過不失，湯底係普通湯底，唔係人地豬骨湯底淆左好耐個d，而拉麵係粗d膠d似油麵個隻，我反而鍾意食呢隻！至於鯖魚差唔多成條上咁濟，而且非常肥美，唔洗點佢個酸酸地既汁都得！小結，青森午市有套餐好抵食，味道又唔差，值得大家去試一試！