校長燒肉日韓料理 (已搬遷) 新店位置

有朋友生日所以就一班人去食放題慶祝啦！今次揀左呢間日韓放題餐廳，真係好似食緊酒店自助餐呀！燒肉何其多，真係可以話應有盡有。而且食物都非常乾淨衛生，有店員都不停睇住肉類的新鮮度。當然要先試下熟食先，熟食有小龍蝦，小龍蝦是有少少辣的，但非常香口，蝦肉都好爽口，絕對值得推介。另外，竟然會有白切雞同酸辣湯，平時食放題都係好少見到，岩曬想一嚟就有野食的朋友。當然唔少得日本籌司、刺身啦！揀了幾夠壽司，其中玻璃蝦好爽口，而且新鮮。一邊燒就當然要一邊食下炸物啦！食肉獸出動啦！有好多肉俾大家任食，而且都好正呀！除左肉都有其他的配料，煎餃都唔錯的，非常香口。