影片
更多
2021-04-17
25 瀏覽
今個星期五繼續與友人一齊尋覓新開嘅日本餐廳，呢間「Mo Mo Kushiage」顧名思義就係好多好多串揚咁解，所以睇名已經知係一間專食日式炸物的餐廳。雖然餐廳面積唔大，但勝在裝飾木系簡潔，而且即使三人用餐都安排了六人枱，所以坐得都十分舒服。當晚雖然係星期五，不過可能仲係新開同試業階段，人數都唔太多。一坐低就見到牆上貼住生啤買2送1嘅優惠，當然點餐前就先每人點一杯啤酒Happy Friday先啦。而餐廳一坐低，就會先上咗碟前菜和秘製醬汁（餐廳話用嚟點炸物可以減少油膩感），不過最後埋單先見到前菜係每碟28蚊。雖然知道係一間串揚餐廳，不過都期待會好似其他居酒屋咁有其他野食，可惜都係以炸物為主，無咩係食得飽嘅野食，真係有啲似日本嘅居酒屋，比較啱食飽過嚟飲返杯。所以我哋都點咗佢哋比較唯一嘅主食，包括鳥冬($78)同什錦伴飯 ($108)，不過都係好細份，似半人份量咁。而炸物方面都點左幾款，每款都要兩串起跳，包括蓮藕夾餅、豬梅肉、牛柳、山藥、蝦餅三文魚子，大部分都係 Juicy，而且唔太油膩，不過驚喜不大。而我唯一比較推薦嘅會係蓮藕夾餅，！！而炸雞軟骨($48)都係比較出色，熱辣辣好好食，而且好啱
當晚雖然係星期五，不過可能仲係新開同試業階段，人數都唔太多。
一坐低就見到牆上貼住生啤買2送1嘅優惠，當然點餐前就先每人點一杯啤酒Happy Friday先啦。而餐廳一坐低，就會先上咗碟前菜和秘製醬汁（餐廳話用嚟點炸物可以減少油膩感），不過最後埋單先見到前菜係每碟28蚊。
雖然知道係一間串揚餐廳，不過都期待會好似其他居酒屋咁有其他野食，可惜都係以炸物為主，無咩係食得飽嘅野食，真係有啲似日本嘅居酒屋，比較啱食飽過嚟飲返杯。
所以我哋都點咗佢哋比較唯一嘅主食，包括鳥冬($78)同什錦伴飯 ($108)，不過都係好細份，似半人份量咁。
而炸物方面都點左幾款，每款都要兩串起跳，包括蓮藕夾餅、豬梅肉、牛柳、山藥、蝦餅三文魚子，大部分都係 Juicy，而且唔太油膩，不過驚喜不大。而我唯一比較推薦嘅會係蓮藕夾餅，！！
而炸雞軟骨($48)都係比較出色，熱辣辣好好食，而且好啱飲酒。
另外，餐廳仲有提供關東煮，$108可以揀五款，不過價錢略貴，每款都係1-2件左右，勝在湯底清甜。
餐廳亦都有提供清酒，今次我哋就揀咗枝純米吟釀，清甜甘口，仲有少少微碳酸嘅感覺。順帶一提，佢哋個清酒杯係幾靚。不過可能因為點300ml，所以無俾冰桶，令到清酒去到中間已經唔太凍。
整體嚟講，嘢食上係無咩大問題，服務亦都係唔錯，但只係速度上的確令人擔憂。本身餐廳位於舊樓，無論上樓或落樓都已經要排長龍；而餐廳的上菜速度亦非常慢，7點半點既炸物，去到9點半都未到，中間亦催了幾次單；又或者係點三串，先嚟兩串，半個鐘後再嚟多一串。希望過咗試業後，速度可以改善。
張貼
