麵道 (已結業)

行過荃灣買嘢，見到呢一間「麵道」，裝修係真係有日式拉麵店的風格，一於入去試吓。12點幾入去食個午餐，睇餐牌見到有一個特價麵，新出嘅，叫雞鹽湯拉麵， $54送餃子同嘢飲。不過唔係好鍾意食薑味，最後揀咗個貴啲嘅雞白湯拉麵。叫咗個雞叉燒拉麵，以為有雞同埋叉燒，原來雞叉燒個意思係剩係得雞，係類似一個燒雞嘅物體。揀麵都好有日式風格，可以揀面嘅軟硬度，湯嘅濃度，仲可以揀少油走青添。湯底算濃郁，但唔會過鹹。分量普普通通啦，雞烤完出嚟都有浸烤香味同埋雞肉仍算嫩滑餃子應該係即叫即整，夠熱度，夠脆口。但裏面個餡好普通，似超級市場嗰啲雪藏貨。送嘅就冇所謂啦最後$74買單，唔需要加一。