大阪王將 (已結業)

原來淘大有間大阪王將，仲記得係日本旅行時成日食的。Menu 有餃子，拉面，飯，定食，小食等等，都幾多選擇。天津飯$78可以自由配搭配料，揀左燒鰻魚，蛋同日式醬油汁。飯係田園菜飯，有菜粒係面。蛋煎得幾香，仲有d 蛋汁幾滑。個汁唔算太濃，鰻魚味道好好。野菜燒汁雞扒手鍋定食$68炸香左既雞肉外皮脆肉幼滑，個燒汁都幾香，而且配珍珠飯呢。柚子醋田園沙律$18加埋沙律夠晒健康，仲有粟米粒同柚子醋。餃子$18 (6隻)元祖餃子餡料頗多，皮幾薄。