花果山 (已結業)

🥢 艾非蘋果茉莉綠茶呢杯係果茶沙冰，茉莉綠茶味好香濃🤤用上艾非蘋果打成沙冰，所以飲落有少少蘋果皮嘅碎，但蘋果味相對茶味淡啲，飲落幾清新～•🥢 皇室奶茶 (加珍珠) 飲落只係普通嘅珍珠奶茶，雖然呢個係鮮奶系列，但唔覺得有好特別明顯嘅奶味，茶底好普通，飲落其實有啲類似鐵銹味，朋友話覺得只似薑餅人嘅薑味，但個人嚟講真係唔太鍾意呢個茶底🥴珍珠無乜甜味，口感偏硬，但都算煙韌。•🥢 三文魚絲玉子燒飯團佢哋嘅飯團比其他買嘅飯團細舊。飯本身有調味，混合咗好多熟嘅三文魚絲，餡料中間同飯團頂各有一小舊玉子燒，幾甜幾香蛋味～•🥢 明太子吞拿魚飯有啲醬油味，飯團頂有啲蟹籽，中間係明太子同吞拿魚，但食到中間啲餡會有啲鹹，整體就普通啲。