九州鯛魚 (已結業)

西灣河新開左間日式餐廳，之前男朋友帶我黎食過一次。今晚我一個人上堂之前再黎回味一下。男朋友上次介紹我食吉列豬排鯛魚湯烏冬。味道非常出色，豬排炸到外脆內嫩，仲好juicy添！炸粉好薄！今次我叫左象拔貝鯛魚湯烏冬，再加蟹棒。鯛魚湯湯底非常香口，濃郁魚湯好回味，完全唔腥！入口清甜好滿意。象拔貝好爽嫩，入口清甜爽口，充滿貝類鮮甜味道。我超鐘意啊！估唔到平民價都食到高質素象拔貝。我加點蟹棒。無雪藏味，入口鮮甜！