丼吉日式吉列豬排專門店 (世貿中心)

營業中

休息中

餐廳位於銅鑼灣世貿中心，地點非常方便，一出lift口見到個餐廳裝修非常之靚，令人哋有一種好舒服，好高格調嘅感覺。二人套餐吉列帶子，豬柳，豬扒套餐。餐前有個芝麻俾我哋磨，加入特別嘅醬汁，到時係可以點肉。帶子咬落去，非常鮮甜，唔會食到太多炸粉。 吉列豬柳 ，肉質好鮮嫩，高溫炸完之後，仲可以保留到原有嘅肉汁。吉列豬扒，咬落去有驚喜，仲可以保留豬扒濃濃嘅香味，吉列粉又唔會太油膩，完全冇油膩感，中間仲可以食埋菜加埋沙律汁間場，完全保持清新，配埋珍珠米真係送飯一流。最後餐廳送埋個水果，水果係西瓜，可以清清口腔，對於今餐可以喺高級餐廳享受美食，非常滿足。