樂天皇朝 (利舞臺廣場) (已搬遷) 新店位置

我同朋友相約到樂天皇朝食上海菜，穿過利舞台搭𨋢上6樓，地點方便。響菜館門口，一大個琳琅滿目的菜色，好多選擇，餐廳內的裝潢格調高尚，座位寬敞。不過可能樓底不高，略嫌嘈吵。先點了油麥菜配日式胡麻醬$58，油麥菜超爽甜，呢度沙律菜非常新穎，健康菜色，而這個胡麻醬同過往食的不同，更有甜味。另一頭盤係開胃之選，海哲海中寶$72，好爽口的海哲，酸甜開胃，小心食到辣椒，都幾辣口，還包括中蝦仁同魷魚條。另外有稱之為世界首創，皇朝八味小籠包$98，直程有將介紹同食法單張，清楚介紹由邊隻淡味食先至濃味。每隻味道相當出色，回味無窮。另外點了京醬肉絲配薄餅$82，京醬汁黏滿肉絲，有約十塊薄餅，包住薄餅食，仍然好滋味。還有薄切陳皮五香牛肉$58，其實帶點蜜汁义燒味，唔韌。最後上蟹粉炒飯$128，必須襯熱食，個汁好香，有點蟹粉調味，飯味似用了珍珠米,夠晒飽肚。今餐每人約$300，食到飽飽好滿足呀！