L.D.K. by Ufufu Café (MOSTown新港城中心(4期)) (已結業)

新港城開咗一間日式嘅餐廳，行精緻路線，見佢晚市惠顧主餐任何主食，就可以加28蚊有一個沙律或者餐湯，另外仲會有甜品㖭！ 甜品仲要有三個口味可以選擇 ，真係好抵！好吸引！另外，佢仲會有一個甜品係夏日限定，係風魔萬千少女嘅桃呀！ 雖然價錢有點小貴，但係自己買一個日本桃都要50蚊以上啦！ 所以我覺得都合理嘅！前菜要咗個沙律 ，主菜要咗個明太子意粉，甜品係朱古力香蕉芭菲！ 不得不讚日本嘅甜品真係做到好精緻，雖然呢個係跟餐嘅！但係都見到甜品師傅嘅心機！