神經餵飼 (已結業)

同友人外出食飯，見到呢間cafe 感覺唔錯，就入去一試。由於唔太肚餓嘅關係就只係叫左一個lunch set share，再叫左個甜品。叫左lunch set 咖哩漢堡扒蛋包飯，一黎到就見到份量好足，汁同飯都好多，唔會唔夠汁伴飯食。雖然係日式咖哩，但唔會好甜，反而香料的味比較出，帶少少辛辣感，同友人都幾欣賞呢個咖哩。不過個咖哩只係得汁，如果可以加返少少配菜，例如紅蘿蔔、薯仔粒咁會冇咁寡。漢堡扒方面有兩塊，味道都算唔錯。整體來講性價比算高。同友人各自叫左一杯咖啡，我叫左 cappuccino，友人叫左dirty，但我地都覺得杯咖啡麻麻地😅咖啡味道偏酸，如果鍾意fruity 感較重嘅人可能比較適合。另外再叫左個士多啤梨忌廉蛋糕，以忌廉蛋糕黎講，就好少忌廉😂😂，除左粒士多啤梨之外，個蛋糕都冇乜香味。印象中好似55蚊，呢個價錢食佢就真係唔算抵食，可能其他蛋糕款會更好。