Poking

本人一向中意食魚生飯，而呢間主打外國人嘅日式魚生飯，好似幾特別，於是入黎試吓Salmon The Classic：份量巨多，仲有半個牛油果，上面淋上豉油！呢間餐廳果然追上潮流，因為牛油果撈埋豉油食，係有三文魚嘅味道！另外，仲加左鮮蝦，食落去爽口彈牙，而且份量亦都好充足。壽司飯+沙律菜撈埋一齊食，恰到好處，食返啲沙律菜可以中和返之前食白飯嘅飽膩感！Creamy baby: 唯一唔同嘅係，多左啲蛋絲+豆腐，唔怪得叫creamy baby，豆腐配壽司飯非常幼滑。另外仲額外加左吞拿魚，粒粒魚生嘅鮮味充斥住成個口腔！蜜糖藍莓椰子脆片：用左希臘奶酪，配上新鮮嘅水果，甜而不膩，為呢餐飯畫上完美句號！最後，飲一啖津路茶，尤其解渴，絕對適用係呢個炎炎嘅夏日！