三一餃子 (通菜街)

營業中

休息中

作為一個餃子控，夜晚一諗唔到食咩好就會想食湯餃。係旺角搵到呢間專食餃子嘅舖頭，拿拿聲就走去試吓！同朋友一人一碗雙拼就可以試4款餡，今次試咗1. 黑白松露豬肉2. 莞茜豬肉3. 蒜芯豬肉4. 粟米豬肉只能夠講每一粒都咁好食，因為個豬肉餡本身已經好夠味，所以撈乜都咁好食，欣賞佢有咁多款可以揀，仲要有莞茜揀實在太令人喜出望外😂作為湯餃其次重要嘅就係個湯底，個豬骨湯好白雪雪，飲落好清新，飲得出無落味精，唔會太濃搶晒餃子味道。最得意係佢呢間餐廳係有清酒飲，個日一坐底店員就送咗一人一杯清酒。仲可以比錢叫職員陪飲好盞鬼😂見佢煎餃其實都好有特色，不過想食清淡啲淨係試咗湯餃，有機會再試佢其他類嘅食物🤤