日喜樓 (已結業)

2019年3月10日。雨。銅鑼灣。呢日有小小雨，凍凍哋，所以放棄食最愛嘅日本嘢，嚟食呢間新開無耐嘅日喜樓～餐廳新開張期間有85折！抵食！位置喺登龍街，正正就喺鵝頸橋對面落一層就到餐廳啦～座位非常闊落～中間有幾張圓枱，側邊嘅就係梳化位咁啱見到其中一枱圓枱客食排場十足嘅百碟宴效果真係幾震撼～坐得好舒服～落單前先用iPad睇餐牌，環保得嚟又唔怕舊～感覺仲會高級啲添～菊花茶，$12每人茶位費$12，咁選揀當然唔止菊花茶啦～仲有各類常見嘅普洱、鐵觀音嗰啲揀嘅～茶壺上面都印咗餐廳logo滲入咗傳統天圓地方嘅哲學～酸辣海參羮，$58酸辣程度唔算高，用料都幾足～會見到一嚿嚿嘅海參，仲有雞絲、木耳絲同筍絲咁～酸酸咁，幾開胃～薺菜雞絲炒年糕，$98年糕有埋咁上下厚度，但口感超級軟糯～鍾意食煙韌嘢嘅朋友一定要試下年糕～因為配料只有薺菜同雞絲，味道較清淡而且店員主動送上桂林辣椒醬，嗜辣嘅朋友撈埋落去個年糕度食，即刻增添惹味～酸菜斑片，$178呢個餸帶少少辣，而且其中一款青色嘅辣椒同酸菜顏色好似，食嘅時候要小心留意下～斑片嫩滑可口～無骨啖啖肉～啱晒唔識吮骨嘅我～呵呵～除咗斑片，不得不讚下啲配料！酸菜故之然好味啦