壽司郎 (栢蕙苑購物商場)

營業中

休息中

壽司郎鰂魚涌開分店啦， 係最近屋企的分店，因為仲未可以經Apps 訂位 ， 所以今日趁一開門就黎第一次幫襯。 食物方面，睇得出刀工方面比其他分店較差，所以我連平日最愛的醬烤中吞拿魚腩，我都係試咗一碟就算。其他軍艦同卷物正常。炙燒牛舌壽司燒得太乾。可能係新分店，店員服務同其他我之前幫襯的分店（黃埔、佐敦、上環、坑口）有分別， 首先入坐時店員冇詢問有冇惠顧過壽司郎，用餐方法介紹冇提及介紹。在差不多60分鐘用餐時間，有店員溫馨提示 ， 但點餐屏幕還未顯示，唔知係咪轉左提示方法。 另外，店員仲幫手將還未上的食品， 提示廚房上菜。 但最後全部x 2 上檯。 要叫其他服務員幫忙取走多送的餐點。 我短期內唔會去鰂魚涌分店食住， 等佢再經營多一段時間先 。