茶木‧台式休閒餐廳 (PopCorn 1)

營業中

休息中

茶木好似都開左一段日子，之前都有好幾次想食，但次次見到要排隊就都係食第二D野算囉。今次因為真係好得閒，就等下位啦。仔仔點左紅豆珍珠奶茶，兩份飲的，因為我其實麻麻地珍珠奶茶，我比較鍾意飲貢茶既寒天奶茶。所以依杯紅豆珍珠奶茶，我基本都只係飲左4份之1，其他都係仔仔飲晒。仔仔點的酥炸雞排麵，佢個雞排真係幾好味，好食過樓上間小王，同埋隔離商場間小幸，所以難怪佢成日都有人等位既。因為無論係飲品定食物，都比附近既台式食店好呢。朱古力曲奇蜜糖磚塊，係我同婆婆Share 食的，都真係幾大份，一個人實食唔晒呢，2個人食都勁飽，仔仔重有幫手食幾件先食得晒。不過我覺得好一般，係影相靚囉，食就，講真，D包好硬，食完個口刮到好痛。今餐算平，因為婆婆有D咳，冇叫飲品，只係同我Share左個甜品，所以三個人Total先係202.4，唯包一個人都唔駛70蚊，但又食到飽飽，算抵食。講真，如果婆婆叫埋飲品，都係多30幾蚊姐，但就可能會食唔晒個朱古力曲奇蜜糖磚塊囉。