華御結

營業中

休息中

一直對日本飯團都有偏見, 以為只係一舊白飯包住少少配料, 但一次日本の旅改變咗我嘅想法。幾年前一個人去日本旅行, shopping得太瘋狂, 卡都碌爆埋, 最後果日只係剩返幾百yen現金, 又冇人可以借錢, 唯有去便利店醫肚。日本便利店選擇十分之多, 有便當, 意粉, 炸雞, 熱狗等, 但最抵都係百零2百yen一個御飯團, 仲有好多味選擇, 日本嘅飯團原來好好味, 返到香港我都食過好幾間, 唯獨華御結最有日本の味。今日lunch去咗南昌V Walk食飯, 見到地鐵站一出新開咗華御結, 都忍唔住買返個飯團做下午茶, 華御結有好多經典口味嘅飯團, 今日我就試咗佢期間限定"沖繩風火腿扒玉子", 除咗有厚厚嘅火腿扒同日式厚玉子外, 仲有好特別嘅黑椒沙律醬, 簡直醒神開胃, 下午茶食完充滿精神繼續開會。除咗日式御飯團, 華御結仲有好多日本甜品, 下次一定要買嚟做飯後甜品。