UFUFU CAFE (荃灣廣場)

營業中

休息中

呢間位於荃灣嘅和風cafe，原來係來自日本九州嘅過江龍🇯🇵難怪由主菜到甜品賣相都非常吸引，味道仲好高質呢🤩🥑牛油果雞胸多士 $158份量頗多，食物種類多元化。當中雞胸肉特別值得一讚，眾所周知雞胸肉脂肪唔多，煮出黎口感好易又柴又硬🥲但呢度嘅雞胸肉非常嫩滑多肉汁，仲有鮮香雞味🐔唔太鍾意食肉嘅🐷一試就停唔到😋士多啤梨奶油吐司外脆內煙韌，推薦👍🏻🍅番茄羅勒薄餅 $118薄餅夾住蕃茄肉同蕃茄醬，所以非常juicy開胃，整片羅勒葉放係薄餅上🌱滲出甜辣青草香味。芝士味道適中🧀恰到好處。🥭吉士忌廉芒果芭菲 $88芒果鋪成玫瑰花形狀🌹以雪芭口感呈現，食完覺得涼浸浸🥰忌廉嘅牛奶味好香濃，底層有粟米片，味道同口感都好有層次。🍓博多甜王草莓梳打 $48係新鮮草莓嘅味道，清甜濃郁！配上梳打水，酸酸甜甜，味道都幾特別，必試🤩🍵冰牛乳八女抹茶 $53日本福岡八女地區自古以來盛產優質茶葉，抹茶茶香撲鼻，清新而回甘，同時適合唔鍾意飲品太甜嘅朋友。