影片
更多
2021-03-11
91 瀏覽
今次去食日本人親自主理嘅日本餐廳，最開心係可以欣賞到日本人嘅堅持同專業，大部分嘅食材都係日本直送，菜式亦會因應食材嘅新鮮度而不斷改變。坐住吧枱可以欣賞師傅嘅功架，仲可以試試日本家鄉菜。本日之萬菜～可以稱之為餐前/佐酒小食，亦係佢地嘅家鄉菜。每道小食都係日本師傅精心設計，隨時轉款，今次一共試咗7款，胡麻芝士豆腐係我最鐘意嘅，入口即溶，香濃嘅芝士味維持喺口腔久久不散，芝士愛好者必試。持田農園芥屋冷蕃茄，呢種蕃茄係三，四月先有，真係好清甜，仲要無乜草青味！五目鹿尾草～我一向都好鐘意食海藻類，呢個款式都係第一次試，呢種雖然比較短身但口感爽脆。🔥海鮮·爐端燒～海鮮由日本直送福崗 志賀島 砂拔蠑螺～係福崗最受歡迎嘅蠑螺，口感彈牙，鮮甜！福崗 唐泊 惠比須 燒牡蠣～燒完都唔會好乾身，好juicy，入口仲食到海水同鮮甜嘅蠔味！琵琶蝦～係近來幾受歡迎嘅海鮮，但唔係周圍都有得食，蝦肉燒得啱啱好，啖啖肉，超讚！博多沙甸魚明太子～燒到非常香口嘅沙甸魚，包裹住滿滿嘅明太子，帶有少少辛辣，非常惹味。燒飯團外脆內軟，表面燒得焦香脆口，梅紫蘇味道少少酸，但好易入口，另外日式瑪格麗塔係一片芝士加少少辛辣，味道豐富！每份
本日之萬菜～可以稱之為餐前/佐酒小食，亦係佢地嘅家鄉菜。每道小食都係日本師傅精心設計，隨時轉款，今次一共試咗7款，胡麻芝士豆腐係我最鐘意嘅，入口即溶，香濃嘅芝士味維持喺口腔久久不散，芝士愛好者必試。持田農園芥屋冷蕃茄，呢種蕃茄係三，四月先有，真係好清甜，仲要無乜草青味！五目鹿尾草～我一向都好鐘意食海藻類，呢個款式都係第一次試，呢種雖然比較短身但口感爽脆。
🔥海鮮·爐端燒～海鮮由日本直送
福崗 志賀島 砂拔蠑螺～係福崗最受歡迎嘅蠑螺，口感彈牙，鮮甜！
福崗 唐泊 惠比須 燒牡蠣～燒完都唔會好乾身，好juicy，入口仲食到海水同鮮甜嘅蠔味！
琵琶蝦～係近來幾受歡迎嘅海鮮，但唔係周圍都有得食，蝦肉燒得啱啱好，啖啖肉，超讚！
博多沙甸魚明太子～燒到非常香口嘅沙甸魚，包裹住滿滿嘅明太子，帶有少少辛辣，非常惹味。
燒飯團外脆內軟，表面燒得焦香脆口，梅紫蘇味道少少酸，但好易入口，另外日式瑪格麗塔係一片芝士加少少辛辣，味道豐富！
每份甜品都係師傳親自製作，要認真試試！
星野村布甸～抹茶味嘅布甸非常幼滑同香濃，連粒栗子都超甜！
西中洲紅豆年糕湯～紅豆湯超級超級甜，配埋兩大舊即時烤嘅年糕，外脆內軟，食到滿滿嘅幸福感！
另有心水推介：北海道燒薯仔，燒白粟米，博多風豬腩肉拌醋椰菜。
張貼
