竹里烏冬居酒屋 (置富都會) (已結業)

今次係睇完“大島與龍威”嘅介紹嚟食嘅🤣呢間日式居油屋係由日本人主理，裝修都好有日本風味。呢度午市套餐主要80~120蚊左右，刺身、丼飯、烏冬應有盡有~前菜🥗🥚前菜有沙律同茶碗蒸。沙律芝麻醬有啲少，茶碗蒸嘅水份多咗所以有啲稀同無咩蛋味~刺身定食🐟🦐🍱 ($125)定食有10片刺身，擺盤已經好吸引！😍🐚帶子肥美，食落好濃帶子鮮味，留喺口腔嘅餘韻好長，係我食過最正嘅帶子！🐟赤身無筋，有吞拿魚魚味！🍣三文魚油脂幾靚，重點係極厚切，咬落更凸顯魚嘅肥美～至於蝦同池魚就正常水準，都唔錯~ 值得留意係Wasabi食落有顆粒感同條條纖維，應該係自己磨，有心思！💚滑蛋豬扒飯+烏冬餐🐷🍜 ($85)凍烏冬湯汁味道比一般食到嘅甜啲，烏冬彈牙，唔會有好粉嘅質感。😋滑蛋豬扒飯好食，豬扒軟腍，洋蔥煮得夠甜，蛋亦滑身~😛.呢度嘅套餐好豐富，食到令人感覺shiawase🥰呢度環境幾舒服，幾啱一班人聚會飲酒，當中刺身真係必食，夠晒新鮮！