影片
更多
2018-05-21
1579 瀏覽
上星期和媽咪去左銅鑼灣食日本野, 因為媽咪個同事話老銅樓上鋪有間食日本菜店子,由日本人主理, 就算點菜都要用日文, 再加上食物都唔錯,媽咪又想試, 所以就帶左半桶水日文既小妹去一齊食~ 這間食店叫"味十味", 係TIMES SQUARE 後面, 店主和服務員係日本人, 不過服務員識講英文既, 唔洗驚溝通唔到~~環境方面係小店格局, 可以大約容納二十幾人左右, 坐得都OK闊落~ 食物方面選擇唔多亦少, 基本既定食都有~ 我地係星期六LUNCH來, 當然係點SET 抵啲啦~ 我點左呢款肉丸定食~ 包左自家製肉丸、温泉疍、三文魚蓉沙律、 麵豉湯等 先送上係自家製肉丸連白飯(係底) -三大粒大大粒既肉丸, 真係好巨型!!! 牛肉食落去好軟好嫩滑, 口感似茶樓食既蒸牛肉, 再加上好入味, 所以個人覺得白飯係唔夠送呢三大顆巨大肉丸既, 哈哈! 温泉疍 - 新鮮美味, 建議快啲放入白飯中拌勻一齊食, 就更食到疍既香味! 麵豉湯 - 味道剛剛好, 唔會太咸太重味, 飲完冇口渴感覺, 我中意一啖湯一啖飯來食XD 三文魚蓉沙律- 口感好清新!! 切到幼幼既椰菜, 食落去好爽, 再加上上面既三文魚蓉令
上星期和媽咪去左銅鑼灣食日本野, 因為媽咪個同事話老銅樓上鋪有間食日本菜店子,
由日本人主理, 就算點菜都要用日文, 再加上食物都唔錯,
媽咪又想試, 所以就帶左半桶水日文既小妹去一齊食~
這間食店叫"味十味", 係TIMES SQUARE 後面, 店主和服務員係日本人, 不過服務員識講英文既, 唔洗驚溝通唔到~~
環境方面係小店格局, 可以大約容納二十幾人左右, 坐得都OK闊落~
食物方面選擇唔多亦少, 基本既定食都有~ 我地係星期六LUNCH來,
當然係點SET 抵啲啦~
我點左呢款肉丸定食~
包左自家製肉丸、温泉疍、三文魚蓉沙律、 麵豉湯等
先送上係自家製肉丸連白飯(係底) -三大粒大大粒既肉丸, 真係好巨型!!! 牛肉食落去好軟好嫩滑, 口感似茶樓食既蒸牛肉, 再加上好入味, 所以個人覺得白飯係唔夠送呢三大顆巨大肉丸既, 哈哈!
温泉疍 - 新鮮美味, 建議快啲放入白飯中拌勻一齊食, 就更食到疍既香味!
麵豉湯 - 味道剛剛好, 唔會太咸太重味, 飲完冇口渴感覺, 我中意一啖湯一啖飯來食XD
三文魚蓉沙律- 口感好清新!! 切到幼幼既椰菜, 食落去好爽, 再加上上面既三文魚蓉令到口感豐富, 但又冇好油又滯感覺, 感覺好夾好配合, 好食!
味十味
銅鑼灣登龍街28號永光中心7樓
28360671
張貼
