影片
更多
2018-09-11
607 瀏覽
鐘愛於日本既我，每次聽到有新既日本餐廳喺香港開張，都忍唔住要一試，特別係主打Omakase既高級料理。雖然，價錢係貴D既，但係質素亦都相對有保證。喺香港，一間索價 $1000-$2000既餐廳，又有提供Omakase既，基本上，你都可以expect佢地既食材係每日由日本新鮮運到既，亦即係，同喺日本當地食，係無分別既，所以呢個價錢，一D都唔貴。咁如果食材無分別，分別又喺邊度呢？有好多人都會覺得，食日本料想，最重要既係咁新鮮，如煮理其實唔係好考功夫既，因為都係切切切，煲個飯，放喺面，就完成? 非也。其實日本料想著重既會成個進食既氣氛，師傅既刀功，配材既配合度，選材既眼光，等等，都幾高學問既，並唔係唸得咁簡單，當然，我自己唔係專家，煮野食，唔係我既專業，知道既都係由所聽所聞，和廚師既互動從而得知既。講講下，好似去佐好遠，講番咁次餐飯先。今次就去佐呢間位於尖沙咀既日式料理，開業只有兩個多月，所以認識既人都唔係咁多，訂位都算容易。餐廳由一位日本人主理，他也懂簡單的廣東話，一句起兩句止吧。步入餐廳，迎面便可見廚師在歡迎客人，由於只有一位廚師主理，控制quality ，所以座位都唔多，目測不到10個
雖然，價錢係貴D既，但係質素亦都相對有保證。
喺香港，一間索價 $1000-$2000既餐廳，又有提供Omakase既，基本上，你都可以expect佢地既食材係每日由日本新鮮運到既，亦即係，同喺日本當地食，係無分別既，所以呢個價錢，一D都唔貴。
咁如果食材無分別，分別又喺邊度呢？
有好多人都會覺得，食日本料想，最重要既係咁新鮮，如煮理其實唔係好考功夫既，因為都係切切切，煲個飯，放喺面，就完成? 非也。
其實日本料想著重既會成個進食既氣氛，師傅既刀功，配材既配合度，選材既眼光，等等，都幾高學問既，並唔係唸得咁簡單，當然，我自己唔係專家，煮野食，唔係我既專業，知道既都係由所聽所聞，和廚師既互動從而得知既。
講講下，好似去佐好遠，講番咁次餐飯先。
今次就去佐呢間位於尖沙咀既日式料理，開業只有兩個多月，所以認識既人都唔係咁多，訂位都算容易。
餐廳由一位日本人主理，他也懂簡單的廣東話，一句起兩句止吧。
步入餐廳，迎面便可見廚師在歡迎客人，由於只有一位廚師主理，控制quality ，所以座位都唔多，目測不到10個座位吧。
今日係下午時間到訪，所以可以食到Lunch Menu，Lunch既價錢真係抵好多，最平既$388就已經有交易，最高級既就要$788，都係抵食既。
好奇問店員拿來晚上的餐牌，最平既$1280，最貴既$1580，當然，價錢貴一點，食物也都多一點，而呢個價錢，亦都絕對係合理既。
最後我地就採中庸之道，選佐中等價錢既，即係$588。
前菜
點好餐後，首先來到的是前菜，冰涼芝麻墨魚配腐竹，portion 唔算大，都食落都幾好味。
茶碗蒸
之後既係蒸水蛋 配菇，個蛋都幾滑身，蛋味香濃。
接下來，廚師師傅就開始為我們準備壽司啦。
師傅既速度都幾高，平時我食 Omakase 都係我食完等師傅製作居多，但係今次就反而係師傅等我，因應我地既進食速度再進行製作，不愧係老師傅。
壽司十貫
金目鯛壽司
魚好厚身，飯有種特別既咬口感，煙煙韌韌，好特別，魚唔算係好甜既一種，但就比較挺身，好有口感。
深海池魚腩壽司
師傅用火鎗炙燒魚身，令佢更香口，魚油更豐盛，魚腩軟綿綿，讓人齒頰留香。
白魚王 （赤龍）壽司
呢款魚比較少食到，師傅用火鎗炙燒魚身，肉身比較淋，軟綿綿，有即溶感覺。
真鯛壽司
加上鯛魚肝喺面，味道更濃，呢款魚肉食落好鮮甜，而且有爽脆口感。
拖羅壽司
同樣地，師傅會先用火鎗炙燒，令原本已經爆滿魚油既拖羅更多魚油迫出，令肉味與油味更balance。
北海道帶子壽司
同平時食既帶子唔同，師傅用刀將帶子既表面輕輕野界開三刀，令我地食既時候可以更加客易食到裡面既鮮甜味，而呢款帶子亦都係比較腍身既，好好味。
左口魚壽司
用柚子漬而非醬油去調味，酸酸地好開胃，好有清新感，左口魚都幾爽口，鮮甜味慢慢浸出，越咬越出味。
左口魚郡邊壽司
師傅再用火鎗燒一燒，油脂很突出，佈滿整塊魚郡邊，也保留左口魚的咬口感，一邊用力咬，一邊帶出魚既鮮甜味。
廣島蠔壽司
廣島蠔平時都係就咁刺身，或是做吉列食既，壽司比較少見得到，蠔好鮮甜，配上有咬口既日本米感覺好特別。
海膽杯
用上最珍貴既北海道馬糞海膽，加上甜蝦去製作，海膽清甜沒有話說，每一口也帶來無限幸福感。
甜蝦
真係好新鮮，食落有清甜味，而且有爽口感。
完成壽司，便來到了手卷的部份。
白魚手卷
食落真係好滿足，好飽滿，師傅落佐好多魚，雖然白魚唔算得上係最鮮甜既一類，但就好有魚味，食落啖啖魚肉，十級滿足。
金目鯛魚骨湯
好濃，飲落好鮮甜，配上少少蔥，更有口感。
甜品
最後甜品有豆腐雪糕，入口軟綿綿，豆腐味唔係好濃但係都食得到，最重要既，係佢唔會好甜，感覺健康。
每次食Omakase，都會覺得時間過得特別快，食食下，原來都已經過佐2-3個鐘，而自己係完全唔覺既。
因為喺進食既過程，師傅係會同我地有好多互動，問我地意見，有冇邊部份做得唔係，有冇邊部分特別好食，而每次我地對師傅作出讚賞，佢都會流露出一副自信的表情，好鬼得意。
呢個價錢，呢個享受，絕對係物超所值既。
張貼
