八海山

營業中

休息中

今晚同同事做完Project 後就去尖沙咀寶勒巷揾野食， 一轉入寶勒巷就見到有間八海山居酒屋， 上網search下， 原來係正宗日式餐廳， 咁就唔洗諗， 就行上樓梯入去食晚餐。店內裝修以家庭式為佈局， 感覺好地道， 店主重話餐廳已日本人為主， 係日本人最喜愛嘅餐廳之一。是日晚餐軟殼蟹沙律雜錦魚生盛鐵板蒜片牛肉粒忌廉薯餅原隻魷魚海鮮炒烏冬軟殼蟹沙律， 沙律菜新鮮爽口， 軟殼蟹炸得香脆， 送上黎時重熱辣辣。雜錦魚生盛， 赤身， 牡丹海老， 海膽， 帆立貝， 三文魚， 油金魚， 八爪魚。 每款刺身好新鮮， 味道甜美， 魚刺身好肥美， 油香四溢。鐵板蒜片牛肉粒， 蒜片煎得香脆， 牛肉粒牛味濃。忌廉薯餅， 香脆， 忌廉味濃， 軟綿綿， 好食。原隻魷魚， 大大隻魷魚， 煮得剛剛好， 彈牙， 新鮮。海鮮炒烏冬， 色香味俱全， 烏冬彈牙， 海鮮超多。