魚尚 (連城廣場)

營業中

休息中

咩係頹食，我的定義-頹食唔代表難食，佢係解決你肚餓的最快捷答案。佢可以代表人生的意義中的物理層/生物邏輯層，簡稱「餓咪食囉」。雖然人對於「餓要食乜」的答案有好多就手又唔難食的選項，但人人心中都有一個固定答案，譚仔、M記、爭鮮等等，而我基於食得唔多的原故，我答案通常係麵包三明治的店子。但最近有一樣小食經常令我念念不忘的-就是魚尚的流心蛋飯團。我好怕食油膩野，所以日本野都是我的優選。在日本一起身，當諗唔到食乜，就係到便利店的時間，我首選必定是流心蛋飯團。在香港我經常都很懷念那老味道，現在終於有機會嘗回味。同香港的便利店唔同，雖然有同樣的飯團，但香港典型是好乾好硬，隔夜似的。但它不同，有珍珠米的軟糯，加上醬油調味，唔會太單調。再看流心蛋，半凝固的蛋汁，香滑有黃味，同米飯互相配合，很不美味，作為我的日常頹飯，慳錢又滿足，真係日日返工食都唔難過。