東京チカラめし (已結業)

最近係MIKIKI新開既呢間日本人氣牛丼，之前返鄉下時不時都會幫襯，差不多成2年冇去過，實在太掛住佢個丼飯。鹽燒豚肉丼(配餃子3件)豚肉只係略略用鹽燒過，仲保留豚肉既原汁原味，豚肉份量夠多，舖滿哂成個飯，加埋蔥絲，份外惹味，豚肉肥瘦均稱，肉質又爽又林。餃子煎到香脆，唔需要點醬汁都好夠味。咖喱吉列豬扒飯日式咖喱帶點甜味，咖喱汁比較杰身，配埋日本米岩岩好，吉列豬扒炸到外脆內軟，外層粉漿夠薄，唔會炸到好乾，仲保留肉汁係裡面。