Pancake House HoiHoi (Megabox) (已結業)

九龍灣嘅megabox係我同朋友最鍾意去行街嘅地方。聽朋友介紹呢度有間日本名古屋HoiHoi Pancake，食物質素高，價錢適宜，今日就同朋友過去品嚐。 三重蜜瓜疏乎厘班戟🍈Trio Melon Souffle Pancake$128（兩件）Pancake鬆軟，配上日本產蜜瓜味輕忌廉+士多啤梨果肉夾心+軟心雲呢拿籽吉士醬，光睇賣相已經好吸引，圓波波綠色嘅蜜瓜梳乎厘， 軟綿綿加埋士多啤梨果肉和雲呢拿吉士醬， 三重唔同口感，一次過食齊，非常滋味。Hoi hoi veggie all day breakfast $158all day breakfast好豐富，係素食人士嘅首選, 佢包括有素豬柳,素蟹餅,黑松露炒蛋,蘑菇,蕃茄,茄汁豆,沙律菜。未試過素豬柳，素蟹餅嘅我都覺得佢地好好味。 加上新鮮嘅蘑菇和番茄， 食落非常清新又爽口 。另外，餐廳還有好多特色嘅飲品，我同朋友分別要咗手沖浸泡式精品咖啡同草莓沙冰。 咖啡通過濾紙慢慢滴漏，飲落分外香濃。草莓沙冰上邊有一層滑滑嘅cream，和新鮮嘅草莓，配合下邊冰涼嘅草莓沙冰一起飲， 層次豐富，透心涼， 好適合而家炎熱嘅夏天飲。