京林屋 (明宮閣) (已結業)

岩岩早兩個星期係日本番黎香港,但我每一日都仲係到回味緊係日本旅遊時食嘅日式美食,直頭係食到不能自拔既地步。番到黎香港我仍然想食日本菜,所以我就決定去食京林屋。個裝修同去日本果時D餐廳都幾似。係京都一日食三杯抹茶雪糕既我就當然會係到叫個抹茶芭菲。另外係身為鰻魚控既我當然就叫左個鰻魚飯黎食下啦。京式鰻魚飯:首先一上菜果時,塊鰻魚仲大塊過我塊面。塊鰻魚加埋D燒汁食,極度夾。另外塊鰻魚都好厚下,肉質鮮甜。D蛋絲整到好幼細,配埋D紫菜黎食一流! 林屋和食料理:呢個和食料理賣相好精緻。分別有青魚、炸魚餅、章魚沙律、魚乾等等。首先個青魚好新鮮,而且佢燒到好甘香,加埋D魚本身既魚油味好好食!另外個魚乾好香口,要黎送飯一流。之後個章魚沙律好有咬口,仲而D沙律醬唔會太濃,好FRESH。林屋抹茶芭菲:個抹茶芭菲係勁有層次。由個頂最濃既味食到低下清新D既味道。個抹茶雪糕球抹茶味好甘香但甘香得黎帶小小茶澀味。中間果層係抹茶軟雪糕,口感滑得黎仲有少少牛奶味,加埋D小丸子黎食口感一流。黑糖牛乳芭菲:首先個雪糕極濃牛奶味,之後再將D黑糖漿倒上杯雪糕好好食。D黑糖漿唔會死甜,一陣陣黑糖特有既甜香,簡直將個雪糕昇華到另一