影片
更多
2018-12-01
43 瀏覽
門面可以看到餐廳主打牛骨湯拉麵，更配以熊本縣「和王」品種的日本和牛，連拉麵亦用上「南天製麵」的真空雞卵麵。一入門已經有熱情店員安排入座，還介紹餐廳今日有三款拉麵，分別白牛拉麵、極牛拉麵及拌麵。 我揀左白牛拉麵，特別在加入了白松露，而和牛可選刺身或火炙，前者食其鮮味，後者可嚐到牛的香味。最後我揀火炙和牛，加杯可爾必思。等待拉麵時，留意到餐廳都有大量日式海報，幾有日本feel，再睇埋介紹，原來拉麵用到的和牛及麵都係特別搜尋優質食材，可見廚師用心製作。白牛拉麵$118，一份和牛約有四片，顏色粉紅閃閃發光，好吸引，而且有陣陣白松露香，與牛骨湯的香及溶化牛脂的香味融合，非常香，係牛腩麵檔香味既昇華版。往常我都先飲啖湯，但今日見到牛肉明顯的纖維同質感，忍唔住先食塊和牛，超級有口感，原來餐廳用牛上腿肉，未用牙咬，放到唇邊已感受到其彈性同粉嫩感，輕輕咬下，牛肉鮮味同甜味都爆發，加上牛肉味濃郁，真係好好食。再飲啖牛骨湯，濃厚的牛骨味，而且味道好深層，重點是微微店味，只有少少咸味來特顯牛骨湯真正原味，加上無油脂，所以飲落好舒服。由南天製麵的日本材料製成，連水也講究到用軟水，令麵條更加爽彈好咬。拉麵仲掛滿湯
門面可以看到餐廳主打牛骨湯拉麵，更配以熊本縣「和王」品種的日本和牛，連拉麵亦用上「南天製麵」的真空雞卵麵。
一入門已經有熱情店員安排入座，還介紹餐廳今日有三款拉麵，分別白牛拉麵、極牛拉麵及拌麵。
我揀左白牛拉麵，特別在加入了白松露，而和牛可選刺身或火炙，前者食其鮮味，後者可嚐到牛的香味。最後我揀火炙和牛，加杯可爾必思。
等待拉麵時，留意到餐廳都有大量日式海報，幾有日本feel，再睇埋介紹，原來拉麵用到的和牛及麵都係特別搜尋優質食材，可見廚師用心製作。
白牛拉麵
$118
6 瀏覽
0 讚好
0 留言
白牛拉麵$118，一份和牛約有四片，顏色粉紅閃閃發光，好吸引，而且有陣陣白松露香，與牛骨湯的香及溶化牛脂的香味融合，非常香，係牛腩麵檔香味既昇華版。
往常我都先飲啖湯，但今日見到牛肉明顯的纖維同質感，忍唔住先食塊和牛，超級有口感，原來餐廳用牛上腿肉，未用牙咬，放到唇邊已感受到其彈性同粉嫩感，輕輕咬下，牛肉鮮味同甜味都爆發，加上牛肉味濃郁，真係好好食。
再飲啖牛骨湯，濃厚的牛骨味，而且味道好深層，重點是微微店味，只有少少咸味來特顯牛骨湯真正原味，加上無油脂，所以飲落好舒服。
由南天製麵的日本材料製成，連水也講究到用軟水，令麵條更加爽彈好咬。拉麵仲掛滿湯汁，每口都有牛骨香味同白松露香。
糖心蛋只有半隻，不過味道好好，半熟的蛋黃味道濃郁，與牛肉味道好夾。
可爾必思
$18
10 瀏覽
0 讚好
0 留言
中途要飲下可爾必思$18，清爽一下味蕾，而且食完牛，要吸收下呢類乳酸菌飲品，有益下腸道。
尾段加了脆炸蒜片同即磨芝麻，味道豐富、更香口惹味，配搭和牛也適合。
強烈推介牛魔王既大家，必食和牛拉麵，由湯底至配料都牛味十足，連入餐廳也充滿牛脂香味，快來進入牛之世界
張貼
